ცნობილი მოდელი და საქართველოში ერთ-ერთი ყველაზე პოპულარული ინფლუენსერი მარიამ გველესიანი 2022 წლის სექტემბერში ფეხბურთელ გიორგი პაპავაზე დაოჯახდა და ქორწილის მეორე დღეს საცხოვრებლად უზბეკეთის დედაქალაქ ტაშკენტში გადავიდა, სადაც მისი მეუღლე აგრძელებს სპორტულ კარიერას.
ახლა მარიამი თბილისშია და მიღებული ტრავმის გამო რეაბილიტაციას გადის. კიდევ ერთი თვე და შემდეგ ისევ უზბეკეთში მეუღლესთან დაბრუნდება. მარიამს ინსტაგრამზე 230 ათასი გამომწერი ჰყავს, მისი პოსტები ყოველთვის აქტუალურია და გამომწერებს განსაკუთრებულად უყვართ.
“ვერასდროს წარმოვიდგენდი ტკივილი ასეთი ძლიერი თუ შეიძლება ყოფილიყო… არც ამ ვიდეოში და ვერც ტექსტში გადმოვცემ რა გავიარე ამ 2 თვეში, რომელიც ჩემთვის 2 წელს უდრიდა. 1 დიდი და სრული ნაბიჯი უკვე გადავდგი, ჯერ არაფერი დასრულებულა, კიდევ 1 თვე დამრჩა, ფინალთან ძალიან ახლოს ვარ. დავიღალე… სული დამეღალა, მაგრამ არ მაქვს დანებების უფლება, ამ ჩემთვის გაჭედილ დროში იმდენი ვიბრძოლე საკუთარ თავთან! ეს მხოლოდ მე ვიცი და სხვა არავინ, მაგრამ ნამდვილად ღირდა, რადგან მგონი გამომდის რაზეც ყოველ ღამე ვლოცულობ…“ – წერს მარიამი სოციალურ ქსელში გამოქვეყნებულ ერთ-ერთ ბოლო პოსტზე…
– მარიამ, ტრავმის გამო, ახლა საქართველოში ხართ და რეაბილიტაციას გადიხართ, როგორ გრძნობთ თავს, როდის ბრუნდებით უზბეკეთში მეუღლესთან?
– კოჭის, წვივის და ტერფის მოტეხილობა მივიღე და ამ მიზეზით მოვხვდი საავადმყოფოში. ოპერაცია დამჭირდა, ამ თემაზე არ მინდა დეტალურად საუბარი, ახლა ბევრად უკეთ ვარ, რეაბილიტაცია გრძელდება, დაახლოებით ერთ თვეში სრულად გავივლი.
– ერთ-ერთი პირველი ქართველი ინფლუენსერი ხართ, როგორ დაიწყო სოციალურ ქსელში თქვენი აქტიურობა, რამაც 230 ათას გამომწერამდე მიგიყვანათ?
– თავიდან ყველაფერი ბუნებრივად დაიწყო, თითქოს არაფერს განსაკუთრებულად არ ვაკეთებდი. ჩემი ცხოვრების ყოველდღიურობიდან ამბებს ვტვირთავდი სოციალურ ქსელში. მალე ამ ყველაფერმა გამომწერების ყურადღება მიიქცია და რაღაც პერიოდის შემდეგ მივხვდი, რომ ამას სერიოზული სახე მიეცა. ერთი დღეს „სთორის“ ან პოსტს თუ არ დავდებდი, ხალხი უკვე პირადში მწერდა და მომიკითხავდნენ ხოლმე. გააგრძელეთ კითხვა
მასალის გამოყენების პირობები
