ნათია ბანძელაძე შვილებთან ერთად გადაცემის „მხოლოდ ლელასთან“ სტუმარია, რომლის ეთერშიც სიყვარულის შესახებ საუბრობს.
ნათიას პასუხი კითხვაზე: რა არის სიყვარული, ძალიან ემოციური გამოდგა და წამყვანმა ცრემლები ვერ შეიკავა.
„არავისი სიყვარული არ მყოფნის, კიდევ უფრო მეტი მინდა. ვფიქრობ სიყვარული არის ის, რაც გიომ მასწავლა. არ დამავიწყდება მისი ბოლო სიტყვები, ადამიანი ვეღარ სუნთქავდა. მთელი ეს წლები სულ მიხატული მქონდა ღიმილიანი სახე. ეს მანაც იცოდა. შემომხედა და მითხრა: კარგად მოიქეცი რა…წარმოიდგინეთ, არ უნდოდა რომ რამე მომსვლოდა, ბოლო წუთებშიც კი ჩემზე ფიქრობდა, როგორ შეიძლება ეს სადმე დაიკარგოს.
ეს ბიჭი, გოგიჩა არის სიყვარული, რადგან მას სწორად მასწავლა როგორ მოვქცეულიყავი. ყველამ იცოდა, რომ მისთვის პირველი იყო, ძაღლმაც კი. ფრანგული ბულდოგი გვყავდა და ჯესიკასთვისაც მოჰქონდა ხოლმე ყვავილები. აი, ასე გვაცხოვრა ამ ბიჭმა“, – საუბრობს ნათია ბანძელაძე.
მასალის გამოყენების პირობები
