ბავშვებისთვის ყველაზე გემრიელ, სასურველ და ტკბილ ჯილდოს – ფერად ტკბილეულს, სუპერმარკეტებში მრავლად შეხვდებით. აღმოჩნდა, რომ მიმზიდველი ტკბილეული ჯანმრთელობისთვის საფრთხის შემცველია.
მსოფლიოს მსხვილი მწარმოებელი კომპანიები სხვადასხვა მარკეტინგული ხრიკით ცდილობენ, მშობლებს აფიქრებინონ, რომ ესა თუ ის ფერადი ტკბილეული ხილისგან მზადდება და ჯანსაღია, რეალურად კი ერთ-ერთი მთავარი ინგრედიენტი საკვები საღებავია, რომელიც ნავთობპროდუქტებისგან მზადდება.
რას ნიშნავს ტკბილეულის ეტიკეტზე დაწერილი წითელი ნომერი 3 და რა სახის ზიანის მოტანა შეუძლია მას მოზარდის ორგანიზმისთვის?
აღგზნებადობა, უძილობა, უმადობა, ჰიპერაქტიურობა და სიმსივნის პროვოცორება… პედიატრების თქმით, ფერად ტკბილეულში დამალული შხამი – ხელოვნური საღებავი, სწორედ ამ პრობლემებს იწვევს.
საღებავი, სახელწოდებით წითელი ნომერი სამი, 33 წელზე მეტია, რაც დეკორატიულ კოსმეტიკაშიც კი აღარ გამოიყენება. კალიფორნია არის პირველი შტატი, რომელმაც გამოსცა ბრძანება წითელი საღებავი ნომერი 3-ის შემცველი პროდუქციის გაყიდვისა და რეალიზაციის აკრძალვის შესახებ, თუმცა ასობით ბრენდის ბავშვთა საკვები ტკბილეული დღესაც შეიცავს ტოქსიკურ საკვებ საღებავებს.
მიუხედავად იმისა, რომ ჯანდაცვის ექსპერტები ხშირად საუბრობენ არანატურალური კანფეტებისა და ხემსების მავნებლობაზე, მშობლები მაინც ყიდულობენ ფერად ტკბილეულს.
არაერთი კვლევა ადასტურებს ფაქტს, არანატურალურ პროდუქტში დამალული ქიმიური ნივთიერებები მეორე ტიპის დიაბეტის გაჩენის შანსს ზრდის. პედიატრები მშობლებს მოუწოდებენ, რომ კვების რაციონიდან ამოიღონ მარტივი ნახშირწყლები, ჩაანაცვლონ ბიოორგანული პროდუქტებით, რადგან ტკბილეულზე დამოკიდებულება მოზარდის ფსიქოლოგიურ და ფიზიკურ განთვითარებას ხელს უშლის.
#drpkhakadze #sheniambebi #sheniganatleba #shenihoroskopi
მასალის გამოყენების პირობები
