მსახიობსა და რეჟისორს სოსო ჯაჭვლიანს ულამაზესი გამოსათხოვარი მიუძღვნა მუსიკოსმა ჭაბუკა ამირანაშვილმა:
“ფილმის ,,სვანი” მუსიკაზე სტუდიაში ვმუშაობდი. სოსო მოვიდა, ერთ-ერთი ვერსია დავამთავრე და მუსიკის მოსმენა აინტერესებდა. ციური მჭედლიძემ ისე ჩაწერა ვოკალი, რომ სოსოს მოსმენისას ცრემლები წამოუვიდა. ბოლოს, როცა ყველაფერი გამზადდა, ფილმის მონტაჟის დროს მითხრა, ჭაბუკ, ეგ ვერსია არ გვინდა რა ფინალშიო, ისედაც მძიმე ფილმია და უფრო დაამძიმებსო.
ხოდა, ეს ვერსია ფილმში არ გაჟღერებულა. გული მწყდებოდა ვერსად ვერ გამოვიყენებდი. ახლა, ამდენი წლის შემდეგ, გიზიარებთ და ამ მუსიკით ვემშვიდობები ჩემს მეგობარს. მშვიდობით, ჩემო სოსო, მშვიდობით.”
მასალის გამოყენების პირობები
