„მასწავლებლის საქმიანობის საუკეთესო შემფასებლები მოსწავლეები არიან“, – ამ ფრაზას თავად პედაგოგებისგანაც ხშირად მოისმენთ.
საინტერესოა, როგორი მასწავლებლები იქნებოდნენ მათი მოსწავლეები. რას შეცვლიდნენ და რას გააუმჯობესებდნენ თავიანთ პროფესიულ ცხოვრებაში.
ამ კითხვაზე პასუხის გასარკვევად, თბილისის 94-ე საჯარო სკოლის მოსწავლეებმა ვიდეო გამოკითხვა ჩაატარეს, სკოლამ კი აქტივობის ამსახველი ვიდეო 3 დეკემბერს, საკუთარი Facebook- ის გვერდზე გამოაქვეყნა.
„დაასრულე ფრაზა – მე რომ მასწავლებელი ვიყო..“, – ამ კითხვით მიმართავდა ინტერვიუერი მოსწავლე თანატოლებს.
აი, როგორი პასუხები გასცეს კითხვას 94-ე საჯარო სკოლის მოსწავლეებმა:
„მოწავლეებს ქულებს ცოტას მოვუმატებდი და არ დავუწერდი დაბალ შეფასებას“; „მაშინ, სამოქალაქო განათლების მასწავლებელი ვიქნებოდი“; „შევცვლიდი გარემოს და უფრო გავახარებდი ბავშვებს“; „ნაკლებ ტრადიციულ დავალებას მივცემდი მოსწავლეებს“; „გავამრავალფეროვნებდი გაკვეთილებს“; „კვირაში ერთხელ განტვირთვის გაკვეთილს ჩავატარებდი“; „ძალიან სახალისო, ჯგუფურ გაკვეთილებს ჩავატარებდი“; „ჩემი ყველა გაკვეთილი „თავისუფალი გაკვეთილი“ იქნებოდა“, – ამბობდნენ მოსწავლეები გამოკითხვაში.
