„ამდენი დღეა ვფიქრობ, რამ გამოიწვია ახალ თაობაში სარწმუნოების დეფიციტი და ჩემს ნაფიქრს გაგიზიარებთ“, – ამის შესახებ მომღერალი ნინი შერმადინი სოციალურ ქსელში წერს და საზოგადოებას მიმართავს:
„ჩვენს დროს სკოლაში რელიგია ისწავლებოდა და მე სწორედ რომ ჩემი რელიგიის მასწავლებელმა მომანდომა ეკლესიაში წასვლა.
დღეს მოდაში ღმერთზე ღადაობაა, სასულიერო პირებზე, პატრიარქზე, ბერებზე… ღმერთის სიყვარული სულ უფრო და უფრო იშვიათი ხდება. თქვენ რას ფიქრობთ, რამ გამოიწვია ეს ყველაფერი? რატომ აღარ ვართ ქართველები ისევ ისეთი გულმხურვალენი, რასაც ისტორიის წიგნში ვკითხულობთ? რა შეიცვალა? ასე როგორ დავუპირისპირდით ეს ერთი მუჭა ქართველები ერთმანეთს? ჩემთვის, პირადად, ყველაზე დიდი განძია ჩემი წარმომავლობა, ჩემი ენა, ჩემი სარწმუნოება, ჩემი ისტორია, რომლითაც ასე ვამაყობთ და ჩვენი ერთობა, 9 ძმა ხერხეულიძის ამბავს მოვიყვან მაგალითად. ყველაფერს ამას ღმერთის სიყვარული აერთიანებდა სულ.
ადამიანებო, ქართველებო, ბავშვებო გვიყვარდეს ერთმანეთი, მეტად მოვეფეროთ ერთმანეთს. ნუ გავლანძღავთ ჩვენი შვილების თაობას, დავუდგეთ გვერდით, მოვეფეროთ, ვასწავლოთ თუ რამე ეშლებათ, ჩვენი მომავალი, ჩვენი შვილებია! აქვე დიდი ილიას სიტყვებს მოვიშველიებ, აწმყო თუ არა გვწყალობს, მომავალი ჩვენია! ვერც ევროპა, ვერც ამერიკა ვერაფერი ვერ წაშლის ქართულ გენს, იმდენად ძლიერი გენეტიკური კოდი გვაქვს.
მიყვარხართ ჩემო ქართველებო! მიყვარხართ ბავშვებო, დაე თქვენი გული მუდამ ასე სუფთად, სამშობლოს სიყვარულით ძგერდეს! მარიამ შვილო, ყოველთვის ისე გიყვარდეს შენი საქართველო, როგორც დღეს, ყოველთვის გახსოვდეს შენი ენა, მამული, სარწმუნოება, ჩვენი ქართველობის ერთობის სიძლიერე და ჩვენი ისტორიის შეურყევლობის! მე თქვენი მჯერა! თქვენი ნათელი მომავლის მჯერა!“- წერს ნინი შერმადინი სოციალურ ქსელში.
