პარიზში მიმდინარე პარალიმპიურ თამაშებზე ქართველმა ეტლით მოფარიკავემ, ირმა ხეცურიანმა რაპირით ასპარეზობაში გამოსვლა დაასრულა. ქართველი პარასპორტსმენი მეოთხედფინალში მარცხის შემდეგ რეპეშაჟში გადაერთო, სადაც ორი გამარჯვების შემდეგ ძლიერ ჩინელ ეტლით მოფარიკავესთან წააგო და პარალიმპიადას დაემშვიდობა.
დამარცხების შემდეგ ირმა ხეცურიანმა ემოციური კომენტარი გააკეთა პირველ არხთან და გულშემატკივრებს მოუბოდიშა.
ფოტოგრაფი ზაქარია ჭელიძე საზოგადოებას ირმა ხეცურიანის მხარდაჭერისკენ მოუწოდებს.
„უთხარით ირმას რომ გიყვართ, ვამაყობთ და ის აუცილებლად გახდება ოლიმპიური მედლის მფლობელი
ირმამ უკვე იმხელა საქმე გააკეთა ჩემთვის ყველა მედალზე დიდია
თუნდაც ის რომ ნინი უკვე 2 მედლის მფლობელია და ამდენი ადამიანს შეაყვარა ეს სპორტი
ხოდა ირმა გვიყვარხარ Irma Khetsuriani
მე ვუთხარი თან დაიკომ ჩამოაკითხა საბერძნეთიდან
არ გაბედო მოიწყინო ჩვენო ჩემპიონო“, – წერს ზაქარია ჭელიძე.
