ამერიკელი მკვლევარები ამტკიცებენ, რომ გულმავიწყობა სიცოცხლისმოყვარე და ოპტიმისტი ხალხის თვისებაა. მათ, როგორც წესი, მეხსიერებასთან დაკავშირებით პრობლემები აქვთ.
პესიმისტებსა და ცხოვრებაზე გაბოროტებულ ადამიანებს მსგავსი საშიშროება არ ემუქრებათ, რადგან ცუდი განწყობა კონკრეტულ ამოცანაზე კონცენტრირების საშუალებას იძლევა.
მეცნიერები ასკვნიან, რომ უფრო კარგი თანამშრომლები პესიმისტები არიან, მაგრამ ოპტიმისტებისგან განსხვავებით, მათ შემოქმედებითი აზროვნების ნიჭი ნაკლებად აქვთ.
ცოტა ხნის წინ ამერიკელმა ფსიქოლოგებმა კიდევ ერთი რევოლუციური აღმოჩენა გააკეთეს: მათი აზრით, პესიმისტები ოპტიმისტებზე დიდხანს ცოცხლობენ.
“ხანდაზმულ ასაკამდე ძირითადად ძუნწები და სკეპტიკოსები აღწევენ. საქმე ის არის, რომ ოპტიმიზმი ხშირად თავდაჯერებულობას იწვევს. შედეგად ოპტიმისტები კეთილგონიერებას კარგავენ: მათ უყვართ დალევა, მოწევა და სრულიად არ ზრუნავენ ჯანსაღ კვებაზე”, – წერს “დეილი მეილი” კვლევის შედეგების შესახებ.
მომზადებულია isra.com-ის მიხედვით.
