როგორ ცხოვრობდა მარტოობისთვის განწირული ვიაჩესლავ ტიხონოვი და რატომ არ შესრულდა მსახიობის უკანასკნელი სურვილი
ვიაჩესლავ ტიხონოვი ბედნიერი იყო პირად ცხოვრებაში? ის მარტო არ იყო, მაგრამ მარტოობას ამჯობინებდა, რის გამოც ჟურნალისტებმა მას „განდეგილიც“ კი უწოდეს. შესაძლოა, მან პირადი ბედნიერება ვერასდროს იპოვა.
მშვიდი და ინტელექტუალური ვიაჩესლავ ტიხონოვის პირველი ცოლი ნამდვილი კაზაკი იყო, ნათელი და ხმაურიანი ნონა მორდიუკოვა. ისინი სრულიად საპირისპიროები იყვნენ, მაგრამ დიდი ხნის განმავლობაში ერთად ცხოვრობდნენ. ოჯახს ჰყავდა ვაჟი, ვლადიმერი, რომელიც ასევე მსახიობი გახდა, მაგრამ ცუდი ჩვევების გამო დიდხანს არ უცოცხლია.
ტიხონოვს არ უყვარდა ხმაურიანი წვეულებები და საზოგადოებრივი ცხოვრება, თავისუფალი დროის სახლში ან აგარაკზე გატარებას ამჯობინებდა. პირიქით, ნონას უყვარდა საზოგადოებაში ყოფნა, ცეკვა და აქტიური ცხოვრება. შედეგად, წყვილი დაშორდა. როდესაც ვლადიმერ ტიხონოვი 40 წლის ასაკში გარდაიცვალა, ვიაჩესლავ ვასილიევიჩმა თავი დაიდანაშაულა იმაში, რომ შვილს ბავშვობაში საკმარის ყურადღებას არ აქცევდა.
1967 წელს, ფილმის „ორშაბათამდე ვიცხოვრებთ“ გადაღების დროს, მსახიობი შეხვდა თავის მეორე მეუღლეს, ფრანგული ენის მასწავლებელს, თამარა ივანოვნას, რომელთანაც 42 წელი იცხოვრა. ერთად გაზარდეს ქალიშვილი ანა, რომელიც მსახიობი და პროდიუსერი გახდა.
ტიხონოვი დამყოლი ხასიათის კაცი იყო და ოჯახში ხშირად მისი ცოლი იკავებდა უპირატესობას, რომელთანაც ის კონსულტაციებს ატარებდა იმის შესახებ, თუ რა როლები უნდა შეესრულებინა. ის ცდილობდა, ოჯახში კონფლიქტები არ გამოეწვია და მათი თავიდან აცილება მისი გამძლეობის წყალობით ხერხდებოდა. ცოლი კატეგორიულად უკრძალავდა ინტიმურ სცენებში მონაწილაობას. ის კია არა, კოცნის სცენაც არ უნდა გადაეღო და უფრო მეტიც – რომანტიკული შეყვარებულის როლიც კი არ უნდა მოერგო.
ოჯახური კონფლიქტების სერიის შემდეგ, მსახიობი აგარაკზე გადავიდა საცხოვრებლად, სადაც პენსიაზე გასვლის შემდეგ ცხოვრობდა. მას უყვარდა ეს განმარტოებული ადგილი, მდინარე მოსკოვის ნაპირზე. აქ ის დიდ დროს ატარებდა მარტო, თევზაობდა. მის გვერდით მხოლოდ მისი ერთგული ძაღლი, სტიოპა იყო.
სიცოცხლის ბოლო წლებში მსახიობს ოჯახის მხრიდან მზრუნველობა და კომუნიკაცია აკლდა. ტიხონოვის მკურნალმა კარდიოლოგმა თქვა, რომ ის მარტოობისა და ოჯახის მხრიდან ყურადღებისა და მზრუნველობის ნაკლებობის შედეგად გარდაიცვალა.
მსახიობის უკანასკნელი ანდერძიც არ შესრულებულა: მან ითხოვა, რომ კუნცევოს სასაფლაოზე შვილის გვერდით დაკრძალულიყო, მაგრამ ნოვოდევიჩის სასაფლაოზე მიუჩინეს ადგილი.
გასაკვირია, რომ ადამიანი, რომელსაც მილიონობით ადამიანი აღმერთებდა, მარტო დარჩა.
