ორშაბათი, ოქტომბერი 20, 2025
spot_img
მთავარიგანათლებაVIDEO: ტაძარი, რომელზეც 17 ხეა ამოსული - რეკორდსმენი სალოცავის ისტორია

VIDEO: ტაძარი, რომელზეც 17 ხეა ამოსული – რეკორდსმენი სალოცავის ისტორია

უკვე 10 საუკუნეა ყველანაირ ფიზიკურ კანონს ეწინააღმდეგება. მაინც ამაყად დგას და დღემდე აოცებს მნახველს.

წმინდა თეოდორას ტაძარი საბერძნეთში, ნახევარკუნძულ პელოპონესზე მდებარეობს. ბიზანტიური სტილის ტაძრის სახურავზე ამოსულ 30 მეტრამდე სიმაღლის 17 ხეს უყურებ და თავში უპასუხო კითხვების კორიანტელი დგება. როგორ? რანაირად? და ასე დაუსრულებლად… ეს პირველი ემოციებია ტაძარში შესვლამდე. აი, შიგნით შესულს კი მეორე გაოცება გელით.

ხეების ფესვები კედლებში დაქსელილი. უკვე საუკუნეებია ყველანაირი ფიზიკურ კანონს ეწინააღმდეგება. ამ უჩვეულო და ამოუცნობი ფენომენის გამო ტაძარი გინესის წიგნშია შეტანილი.

ლეგენდა, რომელიც ტაძარს უკავშირდება – ვინ იყო თეოდორა?

ერთი ვერსიით, წმინდა ავგუსტა თეოდორა, მაკედონიის დინასტიის იმპერატორ კონსტანტინე IX – ის ქალიშვილი იყო. მეორე ლეგენდის თანახმად საბერძნეთში, ბიზანტიის ბატონობის დროს, ოჯახიდან ჯარში თუ კი ვინმე არ წავიდოდა, დიდი ჯარიმის გადახდა ევალებოდა, მიუხედავად იმისა, ბიჭი ჰყავდათ თუ არა. ერთ-ერთ ოჯახს ქალიშვილები ჰყავდა, ჯარიმის გადახდის საშუალება კი არ ჰქონდა. 17 წლის უფროსმა გოგომ, ავგუსტა თეოდორამ, გადაწყვიტა ეხსნა მშობლები დიდი გადასახადისგან და ასეთი გამოსავალი მოძებნა. გადაიცვა ბიჭის ტანსაცმელი და ჯარში წავიდა.

ამავე ლეგენდის თანახმად, ჯარისკაცის ფორმაში გამოწყობილი თეოდორა, სოფელში, ერთ გოგონას შეყვარებია და იმის გამო, რომ საპასუხო გრძნობა ვერ მიუღია, შური იძია.

სხვა მამაკაცისგან ორსულად დარჩენილმა, მუცლად მყოფი ბაშვის მამად თეოდორა დაასახელა. იმის გამო, რომ „ჯარის ქალმა“ თავი ვერაფრით იმართლა, მდუმარებით მიიღო ყველა ბრალდება. ორსული ქალის „უპატრონოდ მიგდების“ გამო სოფელმა თეოდორას განაჩენი თავად გამოუტანა და ლინჩის წესით გაასამართლა.

ამ ქვეყნიდან იმიერში გადასვლამდე თეოდორას ღმერთისთვის უთხოვია: „მიუტევე ჩემს მტრებს, ჩემი სხეული ტაძრად აქციე, თმები ხეებად, სისხლი, კი მდინარედო.“ ეს მისი უკანასკნელი სიტყვები იყო, რის მერეც აღესრულა.

იმასაც ამბობენ, რომ სოფელში არსებულმა მდინარემ კალაპოტი შეიცვალა და ახლა სწორედ ამ ტაძრის საძირკველიდან მოედინება.

READ  ამ პაციენტების კვლევებისა და მედიკამენტებისთვის, მერია 4 მილიონ ლარამდე გამოყოფს - ნახეთ დეტალები

წმინდა თეოდრორას დღესასწაული 11 სექტემბერს აღინიშნება.

ასევე ნახეთ:

ქალი მასწავლებელი, რომელმაც მსოფლიო შეცვალა

მადამ კლიკო — ქალი, რომელმაც დღევანდელი შამპანური შექმნა

„პირადად ჰყავდა ნაწამები და მოკლული 38 ადამიანი…“ – ყველაზე სასტიკი „ბარონესას“ დანაშაულები და მკაცრი განაჩენი

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
author avatar
SheniGanatleba.ge
დამოუკიდებელი, აპოლიტიკური და ნეიტრალური მედია — ფაქტებზე დაფუძნებული სანდო ინფორმაცია. შენთვის და შენი საქართველოსთვის. #აქხარისხია #drpkhakadze #sheniambebi
SheniGanatleba.ge
SheniGanatleba.gehttps://sheniganatleba.ge
დამოუკიდებელი, აპოლიტიკური და ნეიტრალური მედია — ფაქტებზე დაფუძნებული სანდო ინფორმაცია. შენთვის და შენი საქართველოსთვის. #აქხარისხია #drpkhakadze #sheniambebi
მსგავსი პოსტები

[fetch_posts]

spot_img

ხშირად ნახვადი