ორბელიანის მოედანზე „საახალწლო სოფელი“ დღეს საზეიმოდ გაიხსნება.
7 იანვრამდე ორბელიანის მოედანზე, „დედაენის ბაღსა“ და მიმდებარე ქუჩებზე საახალწლო სოფელი იფუნქციონირებს. ამ პერიოდის განმავლობაში დაგეგმილია არაერთი გასართობი და კულტურული აქტივობები.
„საახალწლო სოფელი“ 12:00 საათიდან უმასპინძლებს იქ მისულ სტუმრებს. ადგილზე დახვდებათ ადგილობრივი მეწარმეების გამოფენა-გაყიდვა, საშობაო ბაზრობა, ყინულის საციგურაო მოედანი. პატარებისთვის კი საბავშვო კონცერტები გაიმართება.
