საგარეჯოში მომხდარ ავტოკატასტროფას 20 წლის ორსული გოგონა ემსხვერპლა. უბედური შემთხვევა 19 დეკემბერს მოხდა. ერთმანეთს ორი ავტომობილი შეეჯახა, რის შედეგადაც გოგონა ადგილზე დაიღუპა.
გარდაცვლილი საგარეჯოელი ახალგაზრდა დადუ კერატიშვილია. ის ახალდაქორწინებული იყო და ბავშვს ელოდებოდა.
ახალგაზრდა ქალი 5 თვის ფეხმძიმე იყო. დადუ კერატიშვილი 30 დეკემბერს 21 წლის გახდევიდა.
გოგონას მეუღლე, ლევან მეკოკიშვილი სოციალურ ქსელში წერილს აქვეყნებს:
“წახვედი ჩემო ანგელოზო დღეს სამუდამოდ და დამტოვე მარტო ჯერ. არ ვიცი როგორ ვიცხოვრო შენს გარეშე. ყველაზე სტრესული და დამღლელი დღის მერე, შენ იყავი ჩემი წამალი ყველაფრის. შენი მზრუნველობით და პოზიტივით მჯერა, შენც და ჩვენი პატარაც უკეთეს ადგილას იქნებით. ვიცი როგორ ვერ ძლებდი ვერასდროს უჩემოდ და როგორ გიყვარდი. სამუდამოდ ცოცხალი ხარ ჩემს გულში და ისიც ვიცი, არასდროს არ მომცილდები გვერდიდან. მომენატრები, შეხვედრამდე ჩემო პრინცესა.”
