მუსიკოს ზვიად ბოლქვაძის მეუღლეს ლია ბაიდოშვილს ჟურნალი „სარკე“ ესაუბრა.
ლია ბაიდოშვილი, რომელიც თავადაც მუსიკოსია (თბილისის სახელმწიფო კონსერვატორიის საორღანო კლასის ხელმძღვანელია) „სარკესთან“ სიყვარულის ისტორიას იხსენებს.
გთავაზობთ ამონარიდს ჟურნალ „სარკიდან“.
„ჩემთვის ყველაფერი მუსიკას და კონსერვატორიას უკავშირდება და ჩვენც კონსერვატორიაში გავიცანით ერთმანეთი. ურთიერთობა დიდი მეგობრობით დაიწყო და 2 წელიწადში შევუღლდით.
რა თქმა უნდა, მუსიკამ გაგვაერთიანა, თუმცა თან უნდა მიხვდე, რომ შენი ადამიანია, ისე არ გამოვა. შენი ადამიანი რომ ნახო ამ ცხოვრებაში, ყველაზე ძნელია. ჩვენ კი ვნახეთ ერთმანეთი, დავინახეთ ის ადამიანური თვისებები, რამაც მიგვიზიდა ერთმანეთისკენ.
ჩემთვის მთავარი მაინც ადამიანური თვისებების ხარისხი იყო და არა მუსიკოსობის. გულწრფელობა, სიკეთე, სისუფთავე… შეუძლებელი იყო, ეს ყველაფერი არ დამენახა. ამდენი წელი გავიდა და დღემდე იმავე აზრის ვარ, არაფერი შეცვლილა.
ზვიადი ბავშვივით სუფთაა, ბოროტება საერთოდ არ არის მასში. ხშირად მიკვირს ბევრი საკითხის მიმართ როგორი მიმღებლობაც აქვს. მხოლოდ დადებითის მოყოლა შემიძლია და ყველაფერს არ მოვყვები, რომ უხერხული არ იყოს“.
QR კოდი
სტატიის ციტირება
შენი განათლება. (2024). „ზვიადი ბავშვივით სუფთაა, ბოროტება საერთოდ არ არის მასში“ – ზვიად ბოლქვაძისა და ლია ბაიდოშვილის სიყვარულის ისტორია. 16 ოქტომბერი, 2024. https://sheniganatleba.ge/ზვიადი-ბავშვივით-სუფთაა/
