ქვემო ქართლში, ერთ-ერთ სამედიცინო ცენტრში, დირექტორი და ფარმაცევტი ხელოვნურად ზრდიდნენ გაწეული სამედიცინო მომსახურების ღირებულებას. ისინი ფინანსთა სამინისტროს საგამოძიებო სამსახურმა ამხილა.
სამედიცინო ცენტრში, 2021 წლის 1 აგვისტოდან 2022 წლის 1 იანვრამდე, კორონავირუსით ინფიცირებულებს მკურნალობდნენ. დირექტორმა და ფარმაცევტმა, ხელოვნურად გაზრდილი ფასების შედეგად, ჯამში, 108 032 ლარი მიითვისეს.
საგამოძიებო სამსახურის ინფორმაციით, გამოძიება მიმდინარეობს საქართველოს სისხლის სამართლის კოდექსის 180-ე მუხლით, რაც ითვალისწინებს თავისუფლების აღკვეთას 6-დან 9-წლამდე.
მასალის გამოყენების პირობები
