საქართველოში საშუალო თვიური ნომინალური ხელფასი 215 ლარით გაიზარდა და 2 271.6 ლარი შეადგინა

ბოლო განახლება: 16 დეკემბერი 2025 11:56 am

2 წუთიანი წაკითხვა

სტატისტიკის ეროვნული სამსახურის მონაცემებით, 2025 წლის მესამე კვარტალში საქართველოში საშუალო თვიური ნომინალური ხელფასი, გასული წლის შესაბამის პერიოდთან შედარებით, 10.4 პროცენტით, ანუ 214.9 ლარით გაიზარდა და 2 271.6 ლარი შეადგინა.

საქმიანობის სახეების მიხედვით, შედარებით მაღალი ხელფასი დაფიქსირდა შემდეგ დარგებში: ინფორმაცია და კომუნიკაცია – 4 212.9 ლარი (წინა წლის შესაბამის პერიოდთან შედარებით გაიზარდა 5.9 პროცენტით); მშენებლობა – 3 682.9 ლარი (გაიზარდა 15.2 პროცენტით); საფინანსო და სადაზღვევო საქმიანობები – 3 526.0 ლარი (გაიზარდა 10.7 პროცენტით); სამთომოპოვებითი მრეწველობა და კარიერების დამუშავება – 3 154.3 ლარი (გაიზარდა 30.6 პროცენტით).

საქსტატის ცნობით, 2025 წლის მესამე კვარტალში ქალების საშუალო ხელფასი 1 797.4 ლარი, ხოლო კაცების – 2 738.1 ლარი იყო. ხელფასების წლიურმა ზრდამ ქალებში 146.8 ლარი, ანუ 8.9% შეადგინა, ხოლო კაცებში – 287.1 ლარი (11.7%).

Sheni Network

საქმიანობის სახეების მიხედვით კაცების ხელფასი ყველა სექტორში აღემატებოდა ქალების ხელფასს. ამასთან, უწყების ანგარიშით, საანგარიშო პერიოდში ბიზნეს სექტორში დაქირავებით დასაქმებულთა საშუალო თვიური ხელფასი გაიზარდა 230.8 ლარით, ანუ 10.5%-ით და 2 420.9 ლარი შეადგინა.

- Advertisement -

საქმიანობის სახეების მიხედვით, ყველაზე მაღალი ხელფასი, 4 277.5 ლარი დაფიქსირდა ინფორმაციის და კომუნიკაციის და 3 687.6 ლარი მშენებლობის სფეროებში.

2025 წლის მესამე კვარტალში არასამეწარმეო და საფინანსო სექტორში საშუალო თვიური ხელფასი გასული წლის შესაბამის პერიოდთან შედარებით 187.4 ლარით, ანუ 10.3%-ით გაიზარდა და 2 000.9 ლარი შეადგინა. საქმიანობის სახეების მიხედვით შედარებით მაღალი საშუალო ხელფასი აქვთ საფინანსო და სადაზღვევო საქმიანობებში დასაქმებულებს. საშუალო ხელფასის სიდიდის მიხედვით რეგიონებში ლიდერობს თბილისი და მცხეთა-მთიანეთი.

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

iPhone: https://apps.apple.com/fr/app/sheni/id6746877342?l=en-GB

Android: https://play.google.com/store/apps/details…

Telegram არხი: https://t.me/SheniEkim

სკანირება
QR კოდი

sheniganatleba.ge

სტატიის ციტირება · HOW TO CITE

შენი განათლება. (2025). საქართველოში საშუალო თვიური ნომინალური ხელფასი 215 ლარით გაიზარდა და 2 271.6 ლარი შეადგინა. 16 დეკემბერი, 2025. https://sheniganatleba.ge/საქართველოში-საშუალო-თვი/

სკანირება
QR კოდი

sheniganatleba.ge

სტატიის ციტირება

READ სოხუმის დრამატულ თეატრში ლიანა მიქაშავიძის შემოქმედებითი საღამო გაიმართა

სტატიის ციტირება

შენი განათლება. საქართველოში საშუალო თვიური ნომინალური ხელფასი 215 ლარით გაიზარდა და 2 271.6 ლარი შეადგინა [Internet]. თბილისი: Sheniganatleba.ge; 2025 [ციტირებულია: 2026 სექ 13]. ხელმისაწვდომია: https://sheniganatleba.ge/%e1%83%a1%e1%83%90%e1%83%a5%e1%83%90%e1%83%a0%e1%83%97%e1%83%95%e1%83%94%e1%83%9a%e1%83%9d%e1%83%a8%e1%83%98-%e1%83%a1%e1%83%90%e1%83%a8%e1%83%a3%e1%83%90%e1%83%9a%e1%83%9d-%e1%83%97%e1%83%95%e1%83%98/

sheniganatleba.ge