როგორც ცნობილია, საქართველოში ყველა ადრეული და სკოლამდელი აღზრდისა და განათლების დაწესებულებებს შესაბამისი წესით ავტორიზაციის გავლა მოუწევთ. შესაბამისი კანონი პარლამენტმა დაამტკიცა და განათლებისა და მეცნიერების სამინისტროს მიერ დაგეგმილი ადრეული და სკოლამდელი განათლების სისტემის რეფორმის ნაწილია, რომელიც აღნიშნულ სფეროში მოქმედი დაწესებულებების ავტორიზაციას და ამ მიმართულებით ხარისხის უზრუნველყოფის მექანიზმების დანერგვას ითვალისწინებს. რეფორმის შედეგად, დაგეგმილია, რომ 2029 წლის ბოლომდე სისტემაში არსებული ყველა ადრეული და სკოლამდელი აღზრდისა და განათლების დაწესებულება გაივლის ავტორიზაციის პროცესს.
28 მარტს, განათლების ხარისხის განვითარების ეროვნულმა ცენტრმა იმ ბაღების ჩამონათვალი გამოაქვეყნა, რომლებმაც შეასრულეს ადრეული და სკოლამდელი აღზრდისა და განათლების შესახებ საქართველოს კანონით გათვალისწინებული ვალდებულებები და განრიგით გათვალისწინებული ავტორიზაციის გავლამდე აქვთ კანონის ფარგლებში საქმიანობის უფლება.
იხილეთ დაწესებულებების სიებიი:
ადრეული და სკოლამდელი აღზრდისა და განათლების საჯარო დაწესებულებები
ადრეული და სკოლამდელი აღზრდისა და განათლების კერძო დაწესებულებები
