06/05/2021
ავტორი: ირინა დათაშვილი
პროფესორი, ორგანიზაცია „აკრედიტაცია საზღვრების გარეშე“ ხელმძვანელი გიორგი ფხაკაძე ვაქცინაციის საკითხზე გვესაუბრა:
„ბევრი მეკითხება, გაიკეთოს თუ არა ჩინური ვაქცინა. მწერენ, რომ უკვე დარეგისტრირდნენ. ხალხო, უკვე თუ დარეგისტრირდით და გადაწყვეტილება მიიღეთ, მაშინ გაიკეთეთ. ვაქცინაცია ნებაყოფლობითია. მე ვერ გადაგიწყვეტთ, გაიკეთოთ თუ არა ჩინური ვაქცინა, ყველაფერს აქვს პლიუსი და მინუსი.
ვაქცინაციის თუ გეშინიათ და რაიმე სახის ჯანმრთელობის პრობლემა გაქვთ, კონსულტაცია ოჯახის ექიმთან გაიარეთ. ძირითადად, 99%-ში ცუდი არაფერი მოხდება, რამე რომც გართულდეს, წესით, იქვე იქნება მომზადებული მედპერსონალი და ისინი უნდა დაგეხმაროთ.
ასევე გთხოვთ, ნუ უხდით ლაბორატორიების მაფიას ფულს! არც ვაქცინაციამდე და არც შემდეგ არანაირი ტესტების გაკეთება არ არის საჭირო, თუ ექიმის განსაკუთრებული მითითება არ გაქვთ.“
როგორც გიორგი ფხაკაძემ აღნიშნა, ფაიზერის“ ვაქცინით უნდა აიცრას.
„მე „ფაიზერის“ ვაქცინით უნდა ავიცრა, არც „ფაიზერის“ ხაჭაპურია ბოლომდე გამომცხვარი, მაგრამ რისკები ძალიან დაბალია, დაცულობა კი მაღალია. მაგალითად, მე რომ გავიკეთებ „ფაიზერს“ ივნისში, მეორე დოზას გავიკეთებ ივლისში. ვალიდურობა იქნება პირველი დოზიდან 6 თვე. ორი დოზის შემდეგ ვიქნები მე თვითონ დაცული და ყველაზე მთავარი, ვიქნები უსაფრთხო გარშემომყოფთათვის. არ მინდა ვიყო ვირუსის გავრცელების წყარო. დაახლოებით 10 ივლისიდან ვიქნები დაცული, ვაპირებ მოგზაურობას ევროპაში და შეიძლება, საქართველოშიც ჩამოვიდე.
კიდევ ერთხელ გავიმეორებ, ვაქცინებზე – „ფაიზერი“, „ასტრაზენეკა“, „ჯონსონ და ჯონსონი“, „მოდერნა“ – უამრავი კვლევაა, რასაც ვერ ვიტყვით ჩინურ და რუსულ ვაქცინებზე.
ხომ არის გაჭირვებული დრო, როცა ლომბარდში ოქროს აბარებენ?! ეს დროა ახლა. მთავრობამ ყველაფერი უნდა გავაკეთოს, რომ კარგი ვაქცინა ჩაოვიტანოს. გითხარით, რომელიცაა კარგი ვაქცინა.
ვინც ვაქცინა გაიკეთეთ, გახსოვდეთ, რომ პირველი დოზიდან 1 თვე არ ხართ დაცული. ვინც აპირებთ აცრას, ჩემი რჩევაა, აცრამდე ერთი კვირით ადრე და აცრიდან ერთი კვირის განმავლობაში ალკოფოლი არ მიიღოთ, უმჯობესია, 2 კვირა შეიკავოთ თავი, რადგან ალკოჰოლი იმუნიტეტს აქვეითებს.
ასევე გაფრთხილებთ, ერთი დოზის შემდეგ მეორე დოზაც აუცილებლად გაიკეთეთ, წინააღმდეგ შემთხვევაში უფრო დიდი პრობლემის წინაშე დადგებით..
არ შეცდეთ, თქვენ შეძლებთ ევროპაში ჩამოსვლას, აცრილი თუ იქნებით ევროკავშირში აკრედიტებული ვაქცინით, -„ფაიზერი“, „ასტრაზენეკა“, „მოდერმა“, „ჯონსონი და ჯონსონი“. დანარჩენი, რა ვაქცინასაც გაიკეთებთ, მხოლოდ მის მწარმოებელ ქვეყანაში შეძლებთ ჩასვლას“, – განაცხადა გიორგი ფხაკაძემ.
საქართველოში 43 000 დოზა „ატრაზენეკას“ ვაქცინა ჩამოვიდა.
4 მაისს საქართველოში „სინოფარმით“ ვაქცინაცია დაიწყო. საქართველოში „ასტრაზენეკათი“ ვაქცინაცია 2021 წლის 15 მარტიდან დაიწყო. „ფაიზერით“ 30 მარტიდან. 3 აპრილს ქვეყანამ „სინოფარმის“ ვაქცინის 100 ათასი დოზა მიიღო.
Professor Giorgi Pkhakadze, MD, MPH, PhD
#drpkhakadze#accreditationge#გიორგიფხაკაძე
Профессор Гиорги Пхакадзе. #ПрофессорПхакадзе
