ბავშვთა ნევროლოგი სოფო ბახტაძე გადაცემაში “პირადი ექიმი” საუბრობს, რატომ არის ბავშვისთვის ლექსისზეპირად სწავლა მნიშვნელოვანი და როგორ ეხმარება მეხსიერების გააქტიურებას დაზეპირება:
მუშა მეხსიერებას ვარჯიში რომ სჭირდება, ამაზე საუბარი არ უნდა იყოს
– ბავშვმა ლექსი უნდა ისწავლოს. ის, რომ მას სხვა ტიპის, მაგალითად, ვიზუალური მეხსიერება უფრო მეტად აქვს განვითარებული, ეს კიდევ სხვა თემაა. მაგრამ, მუშა მეხსიერებას ვარჯიში რომ სჭირდება, ამაზე საუბარი არ უნდა იყოს. დიახ, ბავშვმა ლექსი უნდა ისწავლოს. ე.წ. საზეპირო რა მოცულობის იქნება – ეს უნდა იყოს, მაგალითად, ჰაგიოგრაფიული, საკმაოდ რთული, ლიტერატურული ენით დაწერილი მთელი გვერდი, თუ აკაკი წერეთლის ლირიული, არაჩვეულებრივი ლექსის ნაწილი, ან რომელიმე პოემა – ეს უკვე ბავშვის ინტელექტის კოეფიციენტზეა დამოკიდებული. ანუ, რა მოცულობის მასალას დაიზეპირებს, ეს უკვე მის ინტელექტზეა დამოკიდებული. მაგრამ, იმას, რომ ბავშვის მუშა მეხსიერებას, რომელიც მეხსიერების ყველაზე მნიშვნელოვანი კომპონენტია, ვარჯიში სჭირდება, დისკუსია არ სჭირდება.
