2024 წლის ერთიანი ეროვნული გამოცდების საბოლოო შედეგები ცნობილია და აბიტურიენტებმა უკვე შეიტყვეს, რომელ უნივერსიტეტებში გააგრძელებენ სწავლას. ბევრ უნივერსიტეტში პირველკურსელთა რეგისტრაცია უკვე დაიწყო. აბიტურიენტთა ჯგუფებში ხშირად იკითხეს, დასჭირდებათ თუ არა 17 წლის პირველკურსელებს რეგისტრაციასა და ხელშეკრულების გასაფორმებლად მშობლის გაყოლა.
როგორც განათლებისა და მეცნიერების სამინისტროში გვითხრეს, 17 წლის პირველკურსელებს რეგისტრაციაზე მშობელი უნდა გაჰყვეს და პირადობის მოწმობაც თან ჰქონდეს. თუ პირველკურსელს ადგილზე არც ერთი მშობელი არ ჰყავს, ის უფროსი უნდა გაჰყვეს, რომელსაც მინდობილობა ოფიციალურად აქვს გაკეთებული.
თუმცა, კონკრეტული დეტალები შეგიძლიათ, იმ უნივერსიტეტთან გადაამოწმოთ, სადაც ჩაირიცხეთ.
სრულწლოვანი პირველკურსელები კი უნივერსიტეტთან ხელშეკრულებას დამოუკიდებლად გააფორმებენ.
