თვითოპერირების შემთხვევები, ძირითადად, ექსტრემალურ სიტუაციაში ხდება – იქ, სადაც ექიმები არ არიან და ადამიანი იძულებულია სიცოცხლის გადასარჩენად ამ მეტად სარისკო საქმეზე წავიდეს…
1. ჯერი ნილსენი
ჯერი ლინ ნილსენი ერთადერთი ექიმი იყო აშშ-ის ანტარქტიდის სადგურზე. შემთხვევა 1999 წელს მოხდა. ცივილიზებულ სამყაროსთან რამდენიმე თვიანი უკონტაქტობის შემდეგ, ექიმმა ნილსენმა საკუთარ თავს მკერდის კიბოს სიმპტომები შეატყო. ბიოფსიის ჩატარების შემდეგ, რაშიც არავინ დახმარებია, მისი ვარაუდი დადასტურდა და სადგურიდან დაბრუნებამდე, ბიოქიმისს კურსს ის თავად იტარებდა.
2. ამანდა ფილდინგი
ექსტრავაგანტული მხატვარი დიდი ხნის განმავლობაში ეძებდა ექიმს, რომელიც თავის ქალის ტრეპანაციაზე დათანხმდებოდა. მიზანი საკმაოდ მისტიკური იყო. აღმოჩნდა, რომ მსგავსი ოპერაციის ჩატარების შემდეგ, ყველაზე ხშირად ვლინდება ნათელმხილველობის შემთხვევები. ექიმებს მსგავსი პარანორმალური მოვლენის არ სჯეროდათ, ამიტომ ოპერაციის ჩატარებაზე უარს აცხადებდნენ. მაშინ თავზეხელაღებულმა მხატვარმა გადაწყვიტა თავად ჩაეტარებინა ოპერაცია. ამისათვის მას საბურღი აპარატი და სათვალე დასჭირდა, რათ სისხლის ნაკადს, ოპერაციის მსვლელობისას მხედველობისთვის ხელი არ შეეშალა.
3. დებორა სემსონი
ამ ამერიკელმა ქალბატონმა ისეთი რამ გააკეთა, რითაც რუსეთში წლების შემდეგ “კავალერისტმა” დუროვამ გაითქვა სახელი. აშშ-ის დამოუკიდებლობისთვის ბრძოლის დროს მან მამაკაცის ტანისამოსი მოირგო და საომარ მოქმედებებში ჩაერთო. ცეცხლსასროლი იარაღიდან ჭრილობის მიღების შემდეგ, სხეულში ღრმად ჩასული ტყვია დებორამ საკუთარი ხელით ამოიღო.
4. ევან ონილი
ქირურგმა ევან ონილმა ნახევარი ცხოვრება შეალია იმის დამტკიცებას, რომ ოპერაციების გარკვეულ ნაწილს ნარკოზი სულაც არ სჭირდება. მაგალითისთვის ის აპენდიციტისა და თიაქარის ოპერაციებს ასახელებდა და საკუთარი სიმართლის დასამტკიცებლად ორივე ოპერაცია თავისი ხელით, ნარკოზის გარეშე გაიკეთა. თუმცა უნდა აღინიშნოს, რომ მისი ასაკიდან გამომდინარე (ამ დროს 70 წლის იყო), მას გვერდით ასისტენტების ჯარი ედგა.
5. არონ რალსტონი
ალპინისტი არონ რალსტონი ლეგენდად იქცა. მასზე მოგვითხრობენ როგორც მხატვრული, ისე დოკუმენტური ფილმები. ერთ-ერთი ექსპედიციის დროს ის იძულებული გახდა საკუთარი ხელის ამპუტაცია გაეკეთებინა, შემდეგ კი დიდი რაოდენობით დაკარგული სისხლის მიუხედავად, უდაბნო გაიარა და დასახლებულ პუნქტამდე მიაღწია. ყველაზე საოცარი კი ისაა, რომ არონი დღემდე ალპინიზმითაა დაკავებული და ახალ მწვერვალებს ახლა უკვე პროთეზის დახმარებით იპყრობს.
მომზადებულია www.lady.ru-ს მიხედვით.
მასალის გამოყენების პირობები
