დღეს ბარბარობაა. მე ლობიანი ვერ გამოვაცხვე. იმიტომ რომ დამავიწყდა. ვიცოდი რომ ბარბარობა იყო, მაგრამ მაინც დამავიწყდა…
მე ცხოვრებაში პირველად ვერ გამოვაცხვე 17 ლობიანი, რომელსაც ყოველ წელს მოხუცებს ვურიგებდი ქუჩაში…
მე დემენცია მაქვს და როგორც ექიმმა მითხრა, აწი უფრო ხშირად დამავიწყდება რაღაცეები.
მე ფარ-ხმალს არ ვყრი. სულაც არ მაშინებს ეს. მე ვწერ ყველგან… სადაც კალამს დავინახავ. სადაც ფანქარს დავინახავ – ვდილობ ყოველი მომენტი და დრო მოვინიშნო. მერე სადღაც ან მე წავიკითხავ ან სხვა და მიხვდება რომ მე იმ დროს კარგად ვიყავი…
დღეს ბარბარობაა… და მე წუხელ დამავიწყდა, რომ დღეს ბარბარობა იყო…
მაგრამ მე სამსახურში წავედი… სადაც არაფერი მავიწყდება
და სანამ ერთი დეტალი მაინც გვახსოვს- დემენცია ვერ მოგვერევა…წმინდა ბარბარე ბავშვების განსაკუთრებულ მფარველად ითვლება. ბარბარობის დღესასწაულზე ტაძრებში საზიარებლად განსაკუთრებით ბევრი პატარა მიყავთ.
დღესასწაულთან დაკავშირებით, ყველა მოქმედ ტაძარში საღმრთო ლიტურგია ჩატარდება.
ამ დღეს ლობიანს აცხობენ – არაფერ კავშირში არაა ეკლესიასთან ლობიანი. უბრალოდ ამ დღეს მარხვაა და ამიტომ მორწუმეებს უნდოდათ რამე განსაკუთრებული სიმბოლო ყოფილიყო სუფრაზე და ასე გახდა ლობიანი მთავარი კერძი…
გილოცავთ ბარბარობას“,- წერია Demencia alchaimeri- დემენცია ალცჰაიმერის ფეისბუქ პოსტში.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkim
