შუახევის სოფელ ჩანჩხალოში დატრიალებულმა ოჯახურმა დრამამ მთელი საქართველო შეძრა. მას შემდეგ, რაც 44 წლის მარინა აბაშიძემ “ნანუკას შოუში“ თავისი ისტორია მოჰყვა – ისტორია ბებიაზე, რომელიც 16 წლის რძლისგან მიტოვებულ ტყუპებს დედად მოევლინა – საზოგადოების რისხვა ბიოლოგიური დედას დაატყდა თუმცა, დღეს სიჩუმეს „ნანუკა ჟორჟოლიანის შოუში“ 20 წლის მარი ბარბაქაძე არღვევს.
მარიამი და დედამისი, დარინა, რადიკალურად განსხვავებულ ვერსიას ჰყვებიან. ეს არის ისტორია ჩაგვრაზე, ეჭვიანობაზე, ფსიქოლოგიურ ტერორსა და დედამთილზე, რომელიც, მათი თქმით, რძლის თავიდან მოშორებას გეგმავდა.
მარიამი იხსენებს, რომ მისი ტრაგედია იმ დღიდან დაიწყო, როდესაც გაიგო, რომ ფეხმძიმედ იყო. მიუხედავად იმისა, რომ თავიდან ყურადღებას აქცევდნენ, მალევე გაჩნდა უნდობლობის კედელი, რომელიც დედამთილმა აღმართა.
“ბავშვებს ეუბნებიან, რომ მე დედა არ ვარ”
ყველაზე დიდი ტკივილი მარიამისთვის შვილებთან გაწყვეტილი კავშირია. ის ამბობს, რომ დედამთილი ბავშვებს მის წინააღმდეგ განზრახ განაწყობს.
მარიამის თქმით, მისი ყოფილი ქმარი, ლევანი, ბუნებით ცუდი ადამიანი არ არის, თუმცა დედის გავლენისგან თავის დაღწევა ვერ შეძლო. “თუ რამეს ჩემს დასაცავად იტყოდა, დედამთილი ემუქრებოდა – სახეში შემოგარტყამო. ტელეფონიც კი დაულეწა შვილს ჩემს გამო.“
დღეს მარიამი 20 წლისაა. ის ამბობს, რომ აღარ არის ის შეშინებული გოგო, რომელიც სახლიდან გაიქცა. მან უკვე მოამზადა პასპორტი და მზად არის სამართლებრივი ბრძოლისთვის.
დავა შუახეველ ტყუპებზე, როგორც ჩანს, ახალ ფაზაში გადადის. ვინ არის მსხვერპლი და ვინ – მოძალადე? ამას, სავარაუდოდ, სასამართლო და სოციალური სამსახურები დაადგენენ.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkim
