ტაბლეტები და სხვა მედიკამენტები პაკეტებში და პლასტმასის ან მინის კონტეინერებში იყიდება. ზოგიერთი მათგანი შეიცავს ბამბის პატარა ნაჭერს და ყველამ არ იცის, უსაფრთხოა თუ არა ბამბის ბურთის აბების ბოთლში დატოვება.
რატომ ათავსებენ ბამბას აბების ბოთლებში?
Mental Floss-ის ცნობით, ბამბა პირველად მედიკამენტების ბოთლებში 1900-იან წლებში გამოიყენეს და ის Bayer-მა გამოიგონა.
ეს ჭკვიანური ნაბიჯი აუცილებელი იყო აბების კონტეინერში დასამაგრებლად, რათა თავიდან აეცილებინათ მათი მუდმივი გადაადგილება. რადგან იმ დროს აბების უმეტესობა საკმაოდ მყიფე იყო, ისინი მუდმივი რხევისგან იმსხვრეოდა, ბამბა კი მათ იმობილიზაციას ახდენდა და ამის თავიდან აცილებაში ეხმარებოდა.
1980-იან წლებში „ბაიერის“ სპეციალისტები მიხვდნენ, თუ როგორ აღმოეფხვრათ ბამბის გამოყენების საჭიროება. მათ დაიწყეს თავიანთი პრეპარატების დაფარვა სპეციალური საფარით, რომელიც იცავდა ტაბლეტის ზედაპირს დაზიანებისგან. კომპანიამ 1990-იანი წლების ბოლოს მთლიანად შეწყვიტა ბამბის გამოყენება კონტეინერებში, თუმცა ბევრი სხვა წამლის მწარმოებელი აგრძელებს ამას.
თანამედროვე ტაბლეტები არ იშლება – ისინი ყველა დაფარულია ერთი და იგივე დამცავი გარსით, თუმცა ახლა მიზეზი განსხვავებულია. ეს პრაქტიკა თითქმის ნორმაა, ჩვევაა, სხვადასხვა ახსნა-განმარტებით. მაგალითად, სტანდარტის თანახმად, გარკვეული მედიკამენტი უნდა შეიცავდეს ბამბას, ხოლო თუ ის ასე არ არის, ან ყალბია, ან კონტეინერი უკვე გახსნილია. ზოგიერთი მომხმარებელი, თავის მხრივ, თვლის, რომ ბამბა რატომღაც ინარჩუნებს მედიკამენტის სამკურნალო თვისებებს, თუმცა ეს ასე არ არის.
ითვლება, რომ ბამბის ტამპონი ან ბამბის პატარა ნაჭერი სწრაფად შთანთქავს ტენიანობას როგორც გარემოდან, ასევე თავად აბებიდან. ეს იწვევს ბოთლის შიგთავსის ერთმანეთზე მიკვრას და სწრაფ გაფუჭებას. ამიტომ, თუ აბებითა და ბამბით სავსე ბოთლს წააწყდებით, უმჯობესია გახსნის შემდეგ ბამბა გადააგდოთ.
