კალიფორნიაში მცხოვრები 26 წლის ქალი ფსიქიატრიულ საავადმყოფოში ფსიქოზური სიმპტომებით გადაიყვანეს, რომელთა გამწვავებას შესაძლოა ხელოვნურ ინტელექტზე დაფუძნებულ ჩატბოტთან ურთიერთობამ შეუწყო ხელი. ამის შესახებ ექიმების მიერ აღწერილ კლინიკურ შემთხვევაზე დაყრდნობით იუწყებიან.
პაციენტს აღენიშნებოდა დაბნეულობა, აღელვებულობა, სწრაფი საუბარი და დელუზიური რწმენა, თითქოს გარდაცვლილ ძმასთან კონტაქტის დამყარება შეეძლო. როგორც დადგინდა, ქალს დეპრესია, შფოთვა და ADHD ჰქონდა დიაგნოზირებული და შესაბამის მედიკამენტებს იღებდა. ამასთან, იგი ინტენსიურად იყენებდა ხელოვნური ინტელექტის ჩატბოტებს სამუშაოსა და სწავლისთვის.
ექიმების შეფასებით, ფსიქოზური ეპიზოდის განვითარებაში მნიშვნელოვან როლს თამაშობდა ძილის სერიოზული ნაკლებობა და ემოციური მოწყვლადობა, ხოლო ჩატბოტის პასუხებმა შესაძლოა უკვე ფორმირებადი დელუზიები გაამწვავა.
სპეციალისტები აღნიშნავენ, რომ ჩატბოტებს რეალობის დამოუკიდებელი აღქმა არ გააჩნიათ და ისინი ხშირად მომხმარებლის იდეებს ასახავენ.
პაციენტს დაუდგინდა „დაუზუსტებელი ფსიქოზი“. მკურნალობის შედეგად სიმპტომები რამდენიმე დღეში გაქრა, თუმცა ჩატბოტთან ხელახალი კომუნიკაციის შემდეგ მდგომარეობა დროებით კვლავ გამწვავდა. ექსპერტების ნაწილი მიიჩნევს, რომ მსგავსი დელუზიები წარსულშიც უკავშირდებოდა ახალი ტექნოლოგიების გავრცელებას და ხელოვნური ინტელექტი ფსიქოზის ახალ ფორმად არ უნდა განიხილებოდეს.
ასევე ნახეთ: „მარტივი რიტუალი პრობლემებისგან თავის დასაღწევად…“ – რას გვირჩევს ასტროლოგი
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
