ხუთშაბათი, აპრილი 3, 2025
spot_img
მთავარისოციალური პროგრამებისტუდენტური ფასდაკლებები თეატრალურ სეზონზე – რომელ სპექტაკლებზე გვექნება 50%-მდე ფასდაკლება

სტუდენტური ფასდაკლებები თეატრალურ სეზონზე – რომელ სპექტაკლებზე გვექნება 50%-მდე ფასდაკლება

შემოდგომის თეატრალური სეზონი ახალი სპექტაკლებითა და გაძვირებული ფასებით დაიწყო. მიუხედავად იმისა, რომ თეატრში მოღვაწე ადამიანთა შრომის დაფასება ყველას გვსურს, ბილეთების ეს ღირებულება ახალგაზრდებისთვის არ არის მისაღები. საბედნიეროდ, ზოგი თეატრი სტუდენტებს სპეციალურ ფასდაკლებებს სთავაზობს. გავეცნოთ მათ სიას და გავიგოთ თუ როგორ შეგვიძლია ჩვენთვის სასურველი სპექტაკლების უფრო იაფად ნახვა.

1. „სამეფო უბნის თეატრი“

ეს თეატრი სტუდენტებს ნებისმიერი სპექტაკლის ბილეთზე 50% ფასდაკლებას სთავაზობს. „სამეფო უბნის თეატრის“ ამ სეზონის გამორჩეული სპექტაკლებია: „დემონები“, „ფედრა ცეცხლის ალში“, „მოახლეები“ და „მკვდარი ძაღლები“. თვალი ადევნეთ აფიშას, რომ მათი ბილეთები არ გამოგრჩეთ და გახსოვდეთ, რომ ფასდაკლებით სარგებლობას მხოლოდ სალაროებში შეძლებთ.

2. „ახმეტელის თეატრი“

როგორც თეატრის წარმომადგენელთან საუბრისას ირკვევა, ბილეთების ფასი სტუდენტებისთვის ამ ეტაპზე 5 ლარია, თუმცა დეკემბრიდან ფასების მომატება იგეგმება. „ახმეტელის თეატრში“ შეგიძლიათ ნახოთ „თეთრი ბაირაღები“, „დარაბებს მიღმა გაზაფხულია“, „HELLADOS” და სხვა მრავალი სპექტაკლი. მათი ბილეთების ფასდაკლებით შეძენას მხოლოდ სალაროში შეძლებთ.

3. „მოძრაობის თეატრი“

„მოძრაობის თეატრში“ სტუდენტებისთვის ყველა სპექტაკლზე გამოყოფილია 5 ბილეთი, რომლის ფასიც 10 ლარია. შეძენა შესაძლებელია TKT.GE-ზე, თუმცა აფიშის დადებიდან მალევე იყიდება სრული რაოდენობა, ამიტომ ყურადღებით უნდა ვიყოთ. ამ თვეში შეგიძლიათ ნახოთ „ჰამლეტი“, „იგი“, „ინტრო“ და „სონეტები“.

4. „რუსთაველის თეატრი“

„რუსთაველის თეატრში“ სტუდენტებისთვის ნებისმიერი სპექტაკლის ბილეთის ფასი 5 ლარია, თუმცა გაითვალისწინეთ, რომ ადგილი შეგხვდებათ მხოლოდ პირველ და მეორე იარუსებზე. ამ სეზონზე „12 განრისხებული მამაკაცის“, „მიჯაჭვული პრომეთეს“ და სხვა მრავალი სპექტაკლის ნახვას შეძლებთ. ბილეთების შეძენა თეატრის სალაროში შეგიძლიათ.

5. „ილიაუნის თეატრი“

ილიას სახელმწიფო უნივერსიტეტის სტუდენტებისთვის ნებისმიერი სპექტაკლის ბილეთის ფასი 5 ლარია, სხვა უმაღლესი სასწავლებლების სტუდენტებისთვის – 10 ლარი. სეზონის ყველაზე პოპულარული დადგმა „ჟლეტის ღმერთია“, რომელშიც არაერთ ნაცნობ სახეს ნახავთ.
ბილეთების დაჯავშნა და შეძენა შესაძლებელია სალაროში.

6. „ნოდარ დუმბაძის სახელობის მოზარდ მაყურებელთა თეატრი“

READ  ივ­ლი­სი­დან მას­წავ­ლე­ბლების ანა­ზღა­უ­რე­ბა 500 ლა­რით იზრდება - მინისტრის განცხადება

„მოზარდ მაყურებელთა თეატრი“ სტუდენტურ ფასდაკლებას ყველა დადგმაზე არ გვთავაზობს, თუმცა ის სპექტაკლები, რომლებიც საღამოს საათებში გადის (19:00 საათზე), სტუდენტებისთვის 5 ლარად არის ხელმისაწვდომი. მაგალითად, შეგიძლიათ დაესწროთ სპექტაკლებს: „ავი მუსაიფი“, „მაჭანკალი“, „მე, ბებია, ილიკო და ილარიონი“, „არ დამივიწყო“ და „სარა ბარა ბზია ბზბოიტ ანუ მე შენ მიყვარხარ“.

7. „გაბრიაძის თეატრი“

„გაბრიაძის თეატრის“ ბილეთის სალაროში შეძენის შემთხვევაში, სტუდენტები მიიღებენ 50% ფასდაკლებას. ამ თვეში ხელმისაწვდომია სპექტაკლები „რამონა“ და „ჩემი გაზაფხულის შემოდგომა“. გაითვალისწინეთ, რომ ადგილების რაოდენობა აქაც შეზღუდულია.

ეს ყველაფერი არ არის!

ვინაიდან ფასდაკლებული ადგილების რაოდენობა თეატრების უმეტესობაში შეზღუდულია, შესაძლოა მაინც ბილეთის გარეშე დარჩეთ. ამიტომ, არსებობს მეორე გამოსავალიც – BILETEBI.GE-ზე VISA ბარათით გადახდისას, ნებისმიერი თეატრის სპექტაკლზე 15% ფასდაკლებას მიიღებთ. რაც შეეხება TKT.GE-ის, VISA ბარათით გადახდის შემთხვევაში, 15% ფასდაკლებით სარგებლობას შემდეგ თეატრებში შეძლებთ: „თავისუფალი თეატრი“, „სანდრო მრევლიშვილის თბილისის მუნიციპალური თეატრი“, „ნოდარ დუმბაძის სახელობის მოზარდ მაყურებელთა თეატრი“, „ილიაუნის თეატრი“ და „გაბრიაძის თეატრი“. ეს ფასდაკლება კონკრეტულად სტუდენტებისთვის არაა განკუთვნილი, მაგრამ თუ თქვენ ან თქვენი ოჯახის წევრი ფლობთ VISA ბარათს, სარგებელის ნახვას მაინც შეძლებთ.

გადახედეთ თეატრალურ აფიშას, შეიძინეთ სასურველი სპექტაკლის ბილეთი სტუდენტებისთვის განკუთვნილი ფასდაკლებებით და ეზიარეთ იმ ემოციას, რაც მხოლოდ თეატრს შეუძლია გამოიწვიოს ჩვენში. სასიამოვნო თეატრალურ სეზონს გისურვებთ!

მასალის გამოყენების პირობები
მსგავსი პოსტები
10 საუკეთესო აქტივობა ალგეროში, სარდინიაზე

10 საუკეთესო აქტივობა ალგეროში, სარდინიაზე

2 April, 2025
შეხვედრაზე მოისმინეს ინფორმაციები კანონების – „ბავშვთა ბუნებრივი კვების დაცვისა და ხელშეწყობის, ხელოვნური საკვების მოხმარების შესახებ“ და „შვილად აყვანისა და მინდობით აღზრდის შესახებ“

შეხვედრაზე მოისმინეს ინფორმაციები კანონების – „ბავშვთა ბუნებრივი კვების დაცვისა და ხელშეწყობის, ხელოვნური საკვების მოხმარების შესახებ“ და „შვილად აყვანისა და მინდობით აღზრდის შესახებ“

აპრილი 2, 2025
გამორჩეული როლები თეატრსა და კინოში, ცნობილი ოჯახი და ბრწყინვალე კარიერა – ნატა მურვანიძის პორტრეტი

გამორჩეული როლები თეატრსა და კინოში, ცნობილი ოჯახი და ბრწყინვალე კარიერა – ნატა მურვანიძის პორტრეტი

2 აპრილი 2025
პრაქტიკული და სასარგებლო თვისებები, რაც ხალიჩის შესახებ არ იცოდით

პრაქტიკული და სასარგებლო თვისებები, რაც ხალიჩის შესახებ არ იცოდით

აპრილი 1, 2025
„აგროჰაბი“ განცხადებას ავრცელებს

„აგროჰაბი“ განცხადებას ავრცელებს

აპრილი 2, 2025
სან ფრანცისკოში საქართველოს ფარგლებს გარეთ პირველი ტექნოლოგიური ჰაბი ამოქმედდება

სან ფრანცისკოში საქართველოს ფარგლებს გარეთ პირველი ტექნოლოგიური ჰაბი ამოქმედდება

აპრილი 2, 2025
21 მარტის ასტროლოგიური პროგნოზი

21 მარტის ასტროლოგიური პროგნოზი

მარტი 21, 2024
კლასიკური პასკის რეცეპტი, რომელიც აუცილებლად უნდა სცადოთ

კლასიკური პასკის რეცეპტი, რომელიც აუცილებლად უნდა სცადოთ

აპრილი 2, 2025
სახის კანის აღდგენისა და წმენდის ბუნებრივი მეთოდები – სცადეთ სახლში!

სახის კანის აღდგენისა და წმენდის ბუნებრივი მეთოდები – სცადეთ სახლში!

აპრილი 2, 2025
როგორ შევინარჩუნოთ ქართული ტრადიციები ემიგრაციაში?

როგორ შევინარჩუნოთ ქართული ტრადიციები ემიგრაციაში?

2 აპრილი 2025
თბილისის საუკეთესო უბნები საცხოვრებლად

თბილისის საუკეთესო უბნები საცხოვრებლად

აპრილი 2, 2025
ტომ კრუზის ცნობილი კადრი ლეგოს კუბიკებით გაცოცხლდა — „შეუსრულებელი მისია“ LEGO Ideas-ზე

ტომ კრუზის ცნობილი კადრი ლეგოს კუბიკებით გაცოცხლდა — „შეუსრულებელი მისია“ LEGO Ideas-ზე

მარტი 31, 2025
მედიაჰოლდინგი “შენი”, გიორგი ფხაკაძის ხელმძღვანელობით, 30M+ ნახვით, საქართველოში ლიდერი, დამოუკიდებელი მედიაა

მედიაჰოლდინგი “შენი”, გიორგი ფხაკაძის ხელმძღვანელობით, 30M+ ნახვით, საქართველოში ლიდერი, დამოუკიდებელი მედიაა

თებერვალი 4, 2025
spot_img

ხშირად ნახვადი