იტალიელი რენესანსის პერიოდის ოსტატის, ტიციანის ორჯერ მოპარული შედევრი, რომელიც ერთხელ ლონდონის ავტობუსის გაჩერებაზე პლასტმასის პარკში გახვეული იპოვეს – ახლახან, აუქციონზე 22,3 მილიონ დოლარად გაიყიდა.
“ტიციანის ნახატი: The Rest on the Flight into Egypt (შესვენება ეგვიპტისკენ ფრენისას) ლონდონის კრისტის აუქციონზე გაიყიდა 17,5 მილიონ ფუნტად, რაც 22,3 მილიონი აშშ დოლარის ეკვივალენტია. ეს არის ყველაზე მაღალი ფასი ამ მხატვრის ნამუშევრებს შორის, რომელსაც აუქციონზე მიუღწევია“, – ნათქვამია Christie- ს განცხადებაში.
ტილოზე გამოსახულია იესო, მარიამი და იოსები, რომლებიც ეგვიპტისკენ გაეშურნენ, მას შემდეგ რაც გაიგეს, რომ იუდეის მეფე ჰეროდეს ახალგაზრდა ქრისტეს მოკვლა სურდა და მათ გზაზე შეისვენეს.
ნახატი ტიციანის ზოგიერთ მასიურ ნამუშევართან შედარებით მცირე ზომის არის და 46,2 სანტიმეტრი x 62,9 სანტიმეტრს შეადგენს.
ზეთის ტილოზე შესრულებულ ნამუშევარს საოცარი ისტორია აქვს.
თავდაპირველად ის სხვადასხვა ევროპელი არისტოკრატების ხელიდან ხელში გადადიოდა. 1809 წელს კი, საფრანგეთის ოკუპაციის დროს ვენის ჯარებმა შედევრი გაიტაცეს. მოგვიანებით ნახატი პარიზში აღმოჩნდა. 1815 წელს ვენაში დააბრუნეს და კერძო კოლექციაში გადაიტანეს.
1995 წელს ის მოიპარეს ლონგლეიტიდან და შვიდი წლის განმავლობაში დაკარგულად ითვლებოდა, სანამ ტილო ლონდონის ავტობუსის გაჩერებაზე, პოლიეთილების პარკში გახვეული შემთხვევით არ იპოვა ხელოვნების დეტექტივმა ჩარლზ ჰილმა.
ტიციანი (ტიციანო) ვეჩელი XVI საუკუნის იტალიური რენესანსის ვენეციური სკოლის წამყვანი ხელოვანი იყო. ის დაიბადა იტალიის პროვინცია პიევე-დი-კადორეში და გარდაიცვალა ვენეციაში.
მასალის გამოყენების პირობები
