ამერიკელი მეცნიერების მიერ ჩატარებული მასშტაბური კვლევის შედეგად დადგინდა, რომ კვირაში ერთი ულუფა თევზის მიღება ადამიანს მხედველობის პრობლემებისგან იცავს. თევზის რეგულარული მიღება ქალებში ასაკობრივი ყვითელი ლაქის დისტროფიის რისკს ამცირებს. ეს ერთ-ერთი გავრცელებული დაავადებაა, რომელიც მხედველობას ემუქრება. თევზი ცხიმოვან მჟავა ომეგა 3 -ს შეიცავს, მისი წყალობით მხედველობის პრობლემები ს განვითარება ფერხდება.
“Brigham and Women’s Hospital”-ის და ჰარვარდის სამედიცინო სკოლის ოფთალმოლოგებმა 38 000 -ზე მეტი ქალის კვების რაციონი შეისწავლეს. დაკვირვების შედეგად, რომელიც 10 წლის მანძილზე გრძელდებოდა, დადგინდა, რომ ქალებს, რომლებიც ომეგა-3ის მჟავას რეგულარულად და საჭირო რაოდენობით იღებენ, 38%-ით ნაკლებად უვითარდებათ მხედველობის პრობლემები.
არანაკლებ ერთი ულუფის მიღება კვირაში 42%-ით ამცირებს ასაკობრივი ყვითელი ლაქის დისტროფიის რისკს. ყველაზე ეფექტურად მხედველობის გაუარესებისგან იცავს თინუსი და სხვა შავი ხორცის მქონე თევზი.
მომზადებულია newsru.com-ის მიხედვით.
