1991 წლის 19 სექტემბერს თბილისელმა ექიმმა გია აბესაძემ რუსთაველის გამზირზე თავი დაიწვა. მის სასოწარკვეთილ საქციელს უამრავი მოწმე ჰყავს – ადამიანები, რომლებიც ბარიკადებით გაყოფილ თბილისის ცენტრში, ერთმანეთს დაუპირისპირდნენ. გია აბესაძემ სწორედ ბარიკადებზე დატოვა წერილი, რომელშიც თავის შვილს პატიებას სთხოვს. „თუკი ქართველთა შერიგებას და ქვეყნის აღორძინებას მსხვერპლი ჭირდება, დაე ეს მსხვერპლი მე ვიყო. ღმერთმა ქნას, ბოლო…“ – ასე ახსნა ქართველმა ექიმმა თავისი საქციელი.
ეკა იმხანად 10 წლის იყო. მამის საქციელით მაშინაც ამაყობდა და დღესაც გმირობად მიაჩნია თავის დაწვა ქვეყანაში, სადაც თავისუფლება სიძულვილმა დაამარცხა.
“მითხრეს, რომ მამა დაიწვა. სახლში რომ წამიყვანეს მეგონა, კუბოს მაგივრად დამხვდება ცოცხალი მამა… როცა დავინახე კუბო, რა რეაქცია მქონდა აღარ მახსოვს”, — რას იხსენებს ეკა აბესაძე მამაზე
#drpkhakadze #sheniambebi #sheniganatleba
