ფილოლოგი, განათლების, მეცნიერებისა და ახალგაზრდობის მინისტრის კონსულტანტი ზოგადი განათლების საკითხებში გია მურღულია სოციალურ ქსელში მის ცხოვრებაზე დაკვირვებას უზიარებს. ამჯერად იგი ახალ საინტერესო პოსტს აქვეყნებს, რომელსაც უცვლელად გთავაზობთ:
წიგნიდან „ცხრის ნახევარზე“ („სამახსოვრო ჩემი მოსწავლეებისთვის“):
აზროვნების პ ი რ ვ ე ლ ი კანონი – დაინახე და გამოხატე ნათლად.
აზროვნების მ ე ო რ ე კანონი – არ აღიქვა და შეაფასო საგანი, მოვლენა, ამბავი თუ ადამიანი ერთადერთი კუთხით.
აზროვნების მ ე ს ა მ ე კანონი – ეცადე, მიაგნო საჭირო კითხვებს.
აზროვნების მ ე ო თ ხ ე კანონი – პირველი, ვინც შენს აზრს კრიტიკულად შეხედავს და შეეწინააღმდეგება, შენ თვითონ იყავი.
აზროვნების მ ე ხ უ თ ე კანონი – გაიაზრე სათქმელის მთავარი თეზისები და მათი თანმიმდევრობა.
აზროვნების მ ე ე ქ ვ ს ე კანონი – არაფერი თქვა არგუმენტთა გარეშე.
აზროვნების მ ე შ ვ ი დ ე კანონი – გახსოვდეს გამონაკლისები.
აზროვნების მ ე რ ვ ე კანონი – მოძებნე არა უბრალოდ შესატყვისი, არამედ ყველაზე საჭირო სიტყვები.
აზროვნების მ ე ც ხ რ ე კანონი – დაინახე და შეაფასე მომდევნო მსჯელობა.
აზროვნების მ ე ა თ ე კანონი – შესთავაზე, მაგრამ ნურასდროს დაიჩემებ, რომ შენი აზრი ერთადერთი და სავალდებულო ჭეშმარიტებაა“, – წერს გია მურღულია.
