გლოვობს სრულიად საქართველო, ჩვენი ერი და ეკლესია და ამქვეყნიური ცხოვრებიდან აცილებს ჩვენს საყვარელ სულიერ მამასა და წინამძღოლს – საპატრიარქო ტახტის მოსაყდრე შიო

გლოვობს სრულიად საქართველო, ჩვენი ერი და ეკლესია და ამქვეყნიური ცხოვრებიდან აცილებს ჩვენს საყვარელ სულიერ მამასა და წინამძღოლს, უწმინდესსა და უნეტარესს, სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს ილიას, – განაცხადა საპატრიარქო ტახტის მოსაყდრემ მიტროპოლიტმა შიომ სამების საკათედრო ტაძარში სიტყვით გამოსვლისას.

მან საქართველოში ჩამოსულ სასულიერო პირებსა და სტუმრებს მხარდაჭერისთვის მადლობა გადაუხდა.

„ამ სამგლოვიარო დღეებში ჩვენთვის დიდი ნუგეში, სულიერი მხარდაჭერა და შეწევნაა ადგილობრივი მართლმადიდებელი ეკლესიების მეთაურებისა და დელეგაციების ჩამობრძანება. მადლობას გიხდით თითოეულ თქვენგანს საქართველოს მართლმადიდებელი ეკლესიისა და ერის სახელით ჩამობრძანებისთვის და ჩვენი ტკივილისა და მწუხარების გაზიარებისთვის“, – განაცხადა მიტროპოლიტმა შიომ.