სამოქალაქო აქტივისტი, გიგა მაქარაშვილი კოალიცია “ცვლილებებისთვის” შტაბის წევრის, ელენე მეგრელიშვილის გარდაცვალებას სოციალურ ქსელში ეხმაურება და წერს:
“ნეტავ მე მოვმკვდარიყავი, ჩემო ელენე, ან დედაშენს რა ვუთხრა, ან მამას რა სიტყვა დავახვედრო?
არც ის ვიცი, უშენოდ როგორ გაგრძელდება, მაგრამ იცოდე, სანამ ვიცოცხლებ, არასდროს დაგივიწყებ”.
კახეთში, გურჯაანის მუნიციპალიტეტის სოფელ ვაჩნაძიანში ავტოსაგზაო შემთხვევას მსხვერპლი მოჰყვა.
ცენტრალურ მაგისტრალზე ერთმანეთს საპირისპიროდ მოძრავი 2 მსუბუქი ავტომობილი შეეჯახა. შედეგად ადგილზე გარდაიცვალა ახალგაზრდა ქალი, რომელიც ავტომობილს მართავდა, სამი ადამიანი კი მძიმედ დაშავდა.
სასწრაფო სამედიცინო დახმარების ბრიგადებმა დაშავებულები თელავის საავადმყოფოებში გადაიყვანეს. ერთ-ერთი დაშავებული გერმანიის მოქალაქეა.
