სურსათის უვნებლობის სპეციალისტი, ირაკლი არაბული „პრაიმტაიმთან“ ამბობს, რომ გოზინაყის შენახვა ოთახის ტემპერატურაზე დაახლოებით სამი კვირაა რეკომენდებული.
„რადგან გოზინაყი თაფლით კეთდება, მისი შენახვის ვადა ხანგრძლივია. შეგვიძლია ოთახის ტემპერატურაზე 3 კვირის, ან უფრო გრილ ადგილას უფრო მეტი დროის განმავლობაში შევინახოთ. მნიშვნელოვანია შერჩეული გვქონდეს ჯანსაღი და უვნებელი ინგრედიენტები, რაც სწორედ განაპირობებს მის ხანგრძლივ შენახვას“, – ამბობს ირაკლი არაბული.
